Nuna sajussimanngilaq

Upernaviup kujatinnguani, Akia-mi, immap naqqani nuna sapaatiummat sajussorineqarpoq, isumali tamanna taamaatiinnarneqarpoq.

Sapaatiummat ualiartulernerani pisimasoq ullaaq Radioavisimi ilanngutassiaraarput, tassa aalisartut ilaat qannguluppalussuarmik tusaasimavoq, tamatumalu kingorna imaq puaasarujussuarsimavoq, aalisartullu aamma takusorisimavaa pujoq qernertorsuaq imaaniit qummukaasoq.

Takunnissimasut allat naapertorlugit Akia-p kujatinnguani Qaarsorsuarmi ujaqqat sisusimanerarneqarput, taakkuuppullu qanngulutsitsisimaqisut pujoralassuarmillu pilersitsisimasut, Upernavimmi politiassistenti Niels Peter Krogh ilisimatitsivoq.

Ujaqqat sisunerat aalisartunit kilometerit arfineq-pingasut qulingiluallu akornanni ungasitsigisumi pisimavoq.

Takunnittut arlallit oqaluttuaraat ulloqeqqata missaani ujaqqat sisusimasut aappassaanillu nalunaaqutaq marluk missaani ujaqqat aamma sisusimasut, qannguluppalunnersuillu tassanngaanneersimanissaat ilimagineqarpoq.