Nuna Fonden agguaassivoq

Aningaasaateqarfik NunaFonden suliuniutinut assigiinngitsunut 45-nut agguaasseqqammerpoq, katillugit 986.000 koruuninik.

Aningaasanik amerlanerpaanik aningaasaliiffigineqartut tassaapput, Foreningen Grønland i Tivoli, kalaallit Tivolimi ukioq manna naapeqatigiinnissaannut aaqqissuussinissamut atugassanik 150.000 koruuninik tunineqaramik.

Isiginnaartitsisartoqatigiit Silamiut, Nuummi inuusuttunik isiginnaartitsisartunik nutaanik amigaateqarput, inuusuttullu arfineq marluk qulingiulualluunniit, isiginnaartitsisartutut ukiamut ilinnialernissaannut atugassanik 150.000,00 koruuninik NunaFondenimit aningaasaliiffigineqarput.

Atuartuni minnerni suliniut ”Sutsit Tussiutillu” 1.747 koruuninik tunineqarput. Aningaasat erinarsuutinik pisinermut atorneqassapput, angajoqqaat meeqqallu oqaluffimmi arfininngornerit tamaasa taamaalillutik erinarsoqatigiittarsinnaaniassammata.

Aningaasaliissutit amerlanersaat 10.000 koruunit 25.000 koruunillu akornanniipput.