Nunami allamiut aporlugit toqutaanissaat tyskip kissaatigisimavaa
Ajoqusertut tamarmik, ataaseq kisimi pinnani, Syriamit Aghanistanimiillu pisuupput. Angut piaaraluni biilinik apuisoq, iliuusaa ammip qalipaataanik assigiinngisitsinermit aallaveqarpoq.
- Angutip siunertaa tassaasimavoq nunat allamiut toqutaanissaanik, Tysklandimi nunap immikkoortuani
Nordrhein-Westfalenimi nunamut namminermut ministeri Herbert Reul taama oqarpoq.
Angutip taassuma ukiortaap unnuaani aqqusinikkut ikaarniartoq ataaseq piaaraluni aporiaraluarpaa, taannali periasaarnermigut annappoq.
Tamatuma kingorna illoqarfiup Bottropip qeqqata missaani inuit amerlasuut akornannut biilinik ingerlavoq. taamatumalu kingorna illoqarfimmut anginermut Essenimut ingerlavoq. tassani inuit arlaqartut bussinik utaqqisut piaaraluni aporiaraluarpai.
Angutip tigusarineqarnerani ammip qalipaataannik assigiinngitsinermut tunngasunik oqaaseqarsimavoq.
Nunat allamiorpassuit Tysklandimiittut Tysklandimut ajornartorsiutaapput, tamannalu aaqqiiviginiarlugu oqarsimavoq.