Kalaallit Nunaanni Nerrivimmi Arsaarartartut Kattuffiata nalunaarutigaa, nunani allani unammisartut ”siuttuat” Petrus Brøndlund, ullumikkut atuutilersumik Kalaallit Nunaanni timersornerup iluani timersortartut allatullu attuumassutaaruttutut Kalaallit Nunaanni Timersoqatigiit Kattuffiata ataani doping udvalg-ianiit nalunaarfigineqarsimasoq.
Taama allappoq Kalaallit Nunaanni Nerrivimmi Arsaarartartut Kattuffianni sulittaasoq, Siverth Lynge.
Petrus Brønlund Sisimiuni Bat-98-imeersuuvoq, attuumassutaarutsinneqarneranullu patsisaavoq, Kalaallit Nunaanni nerrivimmi arsaararluni pissartanngorniuttoqarnerani Nuummi poorskikkunni ingerlanneqartumi ”Antidoping Grønland” pakasaalluni misissuiartormat misiliutinik Petrus Brøndlund nassaarfigineqarsimammat.
Doping udvalg-ip ullumikkut aalajangiinerata kingunerissavaa Petrus Brønlund aasaq manna Island Games-imut peqataasinnaajunnaarnera, unammiuaarnerit taakku Grækenlandimi qeqertat ilaanni Rhodosimi ingerlanneqartussaapput.
Petrus Brønlund qanoq pineqassanersoq Doping udvalgi maajip ulluisa 23-anni aalajangereerpat Kalaallit Nunaanni Nerrivimmi Arsaarartartut Kattuffiata aalajangiiffigiumaarpaa.