Nukkassaatinik atuisarneq pillugu Kalaallit Nunaanni Ataatsimiititaliaq aalajangiisalissaaq
Inatsisinik erseqqissaanissamik pisariaqartitsineq nerrivimmi påskikkunni arsaararluni Kalaallit Nunaanni pissartanngorniuttoqarnerani pisup kinguneraa.Pissartanngorniunnermi tassani nerrivimmi arsaarartartut ilaat nukkassaatitorsimasutut pasineqarluni peqataajunnaartinneqarpoq, Nukkassaatinik atuisarneq pillugu Ataatsimiititaliamit ukiup affaata ingerlanerani timersoqqusaajunnaarluni, Nerrivimmili Arsaarartartut Kattuffiata aalajangerpaa, ukioq ataaseq timersoqqusaassanngitsoq.
Kalaallit Nunaanni Timersortartut Kattuffiata aalajangernera Nukkassaatinik atuisarneq pillugu Ataatsimiititaliami siulittaasup, Birgit Niclassenip, iluarisimaarpaa, isumaqarnerarporli kattuffiit immikkoortortaasa namminneq najoqqutassiortarnissaat pingaaruteqartoq.
- Soorlu Qaannat Kattuffianit oqaatigineqartoq, qajartortartoq imigassartorsimalluni qajartussappat tamanna navianarlunilu akuerineqarsinnaanngitsoq. Taamaattoqassappat Kattuffik nammineq najoqqutassiortariaqassaaq, qajartortartup qanoq pineqarnissani siumut ilisimareerniassammagu, Birgit Niclassen Radioavisimut oqarpoq.