Nukissiorfimmi maleruaqqusat unioqqutinneqartarsimapput
Nukissiorfimmi misissuisarnissamut maleruaqqusat unioqqutinneqarsimasut oqaatigineqarpoq, nukissiorfeqarfimmummi isaasut ilaannaat misiliutigalugu misissorneqartarput.
Sverigemi atomip nukinga atorlugu nukissiorfinni nakkutilliisut ukiortaamiit atuutilersumik nukissiorfeqarfimmut iserniartut tamarmik misisorneqartarnissaannik maleruagassioreernikuugaluartut Oskarhamnimi malineqanngisaannarsimavoq. Nukissiorfimmi tusagassiisartoq, Roger Berggren, oqarpoq nukissiorfimmut iserniartut ilaannaat misiliinikkut saviminernik malussajasuunik allanillu assigiinngitsutigut misissorneqartartut. Taamatut misissuinermi angut sulisoq pooqattami qaartartunut atorsinnaasunik nassartoq paasineqarmat suleqataa ilanngullugu tigusarineqarput. Roger Bergren oqarpoq nukissiorfimmut isaasut tamaasa misissornissaannut periarfissaqaratik. Oskarshamnimili ukioq naatinnagu atomitortunik nukissiorfinni nakkutilliisut maleruaqqusaat malinneqaleqquneqarpoq. Nukissiorfimmi qaartartoqarsinnaanersoq misissorneqarpoq, angutillu taakku marluk angerlarsimaffii aamma misissorneqarlutik. Tigusaasunik ajortumeeriniatut pasinninneq tunngavissaqartoq killisiuinerup takutikkaa politiit nalunaarput.