Nukissiorfiit inatsisartuni oqallisigineqassaaq

Nukissiorfiit piginneqatigiiffinngortinneqarnissaa naalakkersuisunut illuatungiliuttunit isumaqatigineqanngilaq, piginneqatigiiffinngortitsisoqassappat atuisunut iluaqutaanavianngitsoq oqaatigineqarluni.

SIK siunnersuummut aamma illuatungiliivoq.

Kommunit kattuppata borgmesterinngortussat Nukissiorfiit piginneqatigiiffinngortinneqarnissaanut aamma akerliliipput, nukissiuuteqarnermik politikkimut sunniutikinnerulernissartik aarleqqutigigamikku.

- Naalakkersuisut siulittaasuata Hans Enoksenip ammaanersiornermi oqalugiaammini ilaatigut aamma eqqaavaa A/S INI ineqarnermut akinik qaffaassanngitsoq, naak inissiaatileqatigiiffik sapaatip-akunnerup siuliani taama nalunaaruteqaraluartoq, Inuit Ataqatigiit sinnerlugit inatsisartunut ilaasortaq Esmar Bergstrøm oqarpoq. Taanna nukissiuuteqarneq pillugu oqaaseqartartuuvoq.