Nukippassuit atorpaat
Greenpeacep imaani akerliussutsimik takutitsinerani nalunaaquttap akunneri qasserpiaat, nukiit qanoq annertutigisut aningaasallu qanoq amerlatigisut atorneqarsimanersut politimesterip Bjørn Tegner Bayip, oqaatigerusunngilaa. Nassuerutigaali politiit nakkutiginnittut sila pillugu iliuuseqarniat immami ammaannartumi iliuusimininngui tamaasa nakkutigisariaqaraangata, malunnartaqisoq.
- Tamanna politiinut akikitsuinnaanngilaq, sakkutooqarfimmi sulisunut aamma akisussalluni. Nalunaaquttap akunnerpassui atorpavut, Bjørn Tegner Bay oqarpoq.
Greenpeacep unioqqutitsisumik akerliussutsimik takutitsineranut nalunaaquttap akunnerpassui ilaatigut atorneqarsimasut pissutigalugit pinerlunniat qaammatini tulliuttuni ajornannginnerusumik pinerliiniartalissanerlutik?
- Uagut nammineq sulisutta maluginerpaavaat, taakkumi ulapeqaat, ullut freerfissaraluatik sapaatip akunneratalu naanerani aamma freerfissaraluatik atunngitsoortarlugit. Taamaattumik sulinerput uagutsinnut qasunartorujussuuvoq, innuttaasulli tamanna maluginavianngilaat, Bjørn Tegner Bay oqarpoq.
