Nukappissat politiinit nersualaarneqartut
Nuummi illut ilaat pujuliortoq paasineqarsimavoq, ikuallatsitsisoqarsimaneranillu kalerriisoqarmat politiit qatserisartullu ornigutipallassimapput.
Tamanna pivoq maajip ulluisa tallimaani, politiillu qatserisartullu ikuallatsitsisoqarsimasoq takusinnaasimavaat.
- Misissueqqissaarnitsinni meeqqat tumerigunagaannik siumugaqarpugut. Kingornalu paasivarput nukappissat angajulliit qalipaat aneeraasarfiup natianut kuerarsinnarlugu ikuallatsissimagaat, Upalungaarsimasut ittuat Johan Westen oqaluttuarpoq.
Qujanartumilli nukappissat eqeersimaartut marluk sukkasuumik iliuuseqarlutik qatserisartunik kalerriisimapput.
- Ikuallannera qamipallanneqarpoq. Meeqqat marluk illu pujuliortoq takusimavaat qatserisartullu tikiunnissaasa tungaanut apummik qatseriniarsarisimallutik. Nukappissat taakku nersualaartariqarput, upalungaarsimasut ittuat oqarpoq.
