Nukappiaqqap angut Tasiilami annappaa

15-inik ukiullip festertuniit angerlartilluni mobiilini festerfimminut aassallugu uterpoq. Angut alla inissiami tassani sinippoq. 
Kitserivik kissarsuummi aamaarsimassasoq, politiit ilimagaat. Nukappiaqqap matu ammarmagu inneq naarallassimassagunarpoq, matserfik isaariaatalu qilaava ikuatsillugit.
Nukappiaraq inissiamut iserpoq angullu sinittoq itersarlugu. Ikuallattoq kingorna qamippaat igalaallu ammarlugit. Marluullutik putsumik iioraasimapput,  angerlartinneqareersimalerlutilli. 
Pisimasoq tamaat qulaajassallugu politiinnut ajornakusoorsimavoq, ilisimannittut  nassuiaataat pisunik tamakkiisunik ersersitsinngimmata.
15-inik ukiullip sapiitsuliorsimasoq, Jannick Gray Tasiilami politiinit oqarpoq. Ingammik inuusunnera eqqarsaatigigaanni - inissiamit aninani angut sinittoq annaappaa, nalunnginnamiuk tassaniniittoq. 
- 15 -inik ukiullip angut sininnermini inissiamit pujumik ulikkaartumit annaasseqataasimasoq ersarippoq - kingornalu ikuallattoq qamissallugu ikiueqataasimalluni, Jannick Grey oqarpoq. 
Nukappiaq annaasisoq akissarsitinneqassanersoq politiit Sermersuumi aalajangissavaat.