Nukappiaqqat tillinniat tigusarineqartut
Nukappiaqqat marluk, aappaa 14-inik ukiulik aappaalu 16-inik ukiulik Ilulissani angerlarsimaffimmi imigassanik kimittuunik arlalippassuarnik tallimanngornerup unnuaani tillinniarput, angerlarsimaffiup igalaava aserorlugu.
Allattoq Louise M. Kleemann
apriilip 28-at 2008 10:58
Tillinniarneq nukappiaqqat taakku ilaqutaasa politiinut arfininngornerup unnukkuani nalunaarutigaat, nukappiaqqallu tamatuma kingorna tigusarineqarput.
14-inik ukiullip tillinniarsimanera isumaginnittoqarfimmut suliassanngortinneqarpoq, 16-inillu ukiulik eqqartuussisisunut sassartinneqassasoq, Ilulissani politeeqarfip pisortaa, Janus Eigaard, oqarpoq.
Meeqqat pingasut Qaqortup amutsiviani qummoroortaatinik ajunaalernermi kalerrisaarutinik tillipput, kingornalu illoqarfiup avataanukariarlutik igeriullugit, Qaqortumi politiit pisortaat Jack Nathansen taama ilisimatitsivoq.
Sinerissami illoqarfinni tamani inuit sapaatip akunnerata naanerani eqqissisimasimasut, politeeqarfiit pisortaat nalunaarput.
