Nukappiaqqat pissartanngorniunnerat Paamiuni ingerlanneqarpoq
Nukappiaqqat U15-it assammik arsarlutik pissartanngorniunnerat, timersoqatigiiffimmit Nagtoralimmit aaqqissuunneqartoq Paamiuni ingerlanneqarpoq.
Allattoq Louise M. Kleemann
Timersortartut holdit arfineq marluk peqataapput, unamminerillu siulliit ingerlanneqarmata inernerit ima isikkoqarput:
GSS Nuummeersoq aamma SAK Sisimiuneersoq tamarmik arfinilinnik pointeqarput, Kâgssagssuk Maniitsumeersoq sisamanik pointeqarpoq, Nûk Nuummeersoq, Nagdlúnguaq Ilulissaneersoq aamma QNQ Qaanaameersut tamarmik marlunnik pointeqarlutik.
Aaqqissuisuusoq Nagtoralik Paamiuneersoq illaagutitaarpoq.