Nukannguaq takutitsilluarpoq
Danskit inersimasut nunanut allanut unammisartuat ataaseq, savalimmiormiut nunanut allanut unammisartuat ataaseq, kinamiu ataaseq sverigemiullu unammisartui marluk. Katillugit unammisartut aqqaneq marluk ukiorpassuarni nerrivimmi arsaarartartuusimasut pikkorilluinnartullu. Nukannguup danskit unammisartui pikkorinnerpaat unammigamigit ingerlallualaavissorpoq.
-Unammisartoq ataaseq taamaatiinnarmat Nukannguaq unammiuaarnermi normu 11-nngorpoq. Oqaatigineqassaarli unammisartoq pineqartoq qaammatip ataatsip matuma siorna Nukannguamit ajorsartitaasimammat. Peqatigitillugu aamma Nukannguamut sungiusaqatigisartagaanullu Malia Kleistimut unammiuaarnermut peqataaneq misigisaavoq angisooq. Danskit unammisartut pikkorinnersaasa malinnaaffiginerat namminerlu peqataaneq pissariaqaataalluarpoq, nunanut allanut unammisartut sungiusaasuat Tommy Jørgensen, nerrivimmi arsaararnermik nunatsinni pissartanngorniunnernut Nuummi poorskikkunni ingerlanneqartussanut qilanaartoq oqarpoq.
Unammiuaarnerit aamma Kalaallit Nunaanni najugaqarsimasunit kalaallinillu malinnaaffigineqarpoq. Tapersersuinerat malugisinnaallugu misigisaavoq nuannersoq. Aammattaaq unammisartoq alla kalaallinit kingoqqisoq peqataavoq. Tassalu Rasmus Lennert Roskildemeersoq, taannalu nukappiaqqani normu 10-nngorpoq.