Per Nukaaraq Hansen kunnginngorpoq

Ivittuut kommuneata borgmesteria Per Nukaaraq Hansen, Nuummi ullumi anaalerinermi kunnginngorpoq. Anaalerisut tassaapput Nuup, Paamiut Ivittuullu kommunalbestyrselsiini ilasortat, ukiut marluk qanngiupata kommunerujussunngortussamut atatillugu isumasioqatigiittut.

Per Nukaaraq Hansen anaalerinermi kunnginngoraluarluni ukiut marluk qaangiuppata kommunerujussuarmi qanoq sunniuteqartigisinnaanini, qinersisoqarpallu sinniisuutitaqarsinnaanertik maannakkut takorloorsinnaanngilaa. Sunniuteqarluarniarunimmita qanoq iliussappat ?

-Kissaatiginerpaavarput pinngitsoorata ilaasortaatitaqassasugut.. sunniuteqassagutta taanna aqqutigisariaqarparput, taamaanngippat ajussaqaaq, sunniuteqarneq ajornartorujussuussaaq, maannakkorpiaq qinersisarneq taamatut inissisimareermat. Ivittuuninngaaneersummi kommunerujussuanngortussami qinigaasoqanngitsoorpata Per Nukaaraq Hansen-ip maannakkut nalileruminaatsippaa. Isumaqatigiisutit atsioreerneqarsimasut malillugit sulineq ingerlanneqartussaq neriuuteqarfigaa. Assigiingitsunik nutaanik pilersitsinissamut aqqutissaqassasoq.

Kommunerujussuanngortussami kommunalbestyrelsen-i ilaasortat arfininngornerup tungaanut Nuumi isumasioqatigiipput.