Kalaaleq titartaasartoq Nuka Godtfredsen nunarsuarmi tusaamasanngorsinnaalerunarpoq, titartakkanik filmiliassap Mikisup titartarneqarnissaani pingaarutilimmik inissisimasussanngorami. Titartagaliassaq Berlinimi titartakkanik filmiliortartut sapaatip akunnerani matumani festivaleqarmata, aningaasaliisussarsiortoqarnerani saqqummiunneqarpoq. Nuka Godtfredsenip titartaaqataasussanngornini tulluusimaarutigeqaa.
- Taamatut qinigaalluni tulluusimaarnaqaaq. Makku Europami titartaasartut inuusuttorpassit uattulli sinnattorisarpaat taamatut titartakkamik filmiliornissaq.
Nuka Godfredsenip nunatsinni oqaluttuatoqqamik tunngaveqarluni tiartakkamik filmilioqataanissani pissanganarnerarpaa.
- Meeraallungali sinnattorisarnikuuvara oqaluttuatoqaatitta titartaganngorlugit saqummersinneqarnissaat neriuutigaaralu suliaq ingerlalluarumaartoq.