Aalborgimi suliamik unitsitsineq pissutigalugu Royal Arctic Line-p umiarsuaa “Nuka Arctica” pilersaarutit malillugit aallarsinnaanngitsoq nalunaarutigineqarpoq.
Umiarsuup usilersorneqarnera suli naammassinngitsoq suliamik unitsitsineq pivoq, maanna umiarsuup aallarnissaanut suliumajunnaarnerup qanoq sivisutiginissaa apeqqutaalerpoq.
Isumaqatigiissitsiniartartuni sivisuallaamik isumaqatigiinniartoqarnera suliumajunnaarnermut patsisaavoq. Taamaattumik ullaaq Aalborgimi Grønlandshavnimi umiarsualivimmi sulisut 80-it suliaminnik unitsitsinerannik kinguneqarpoq, taama allappoq Nordjyske Medier.
Suliumajunnaarnerup nalaani Royal Arctic Linep sullittakkani qinnuigai nassiussiartortinnatik suliffeqarfimmut saaffiginneqqullugit.
