Qallunaaq ilisimatooq, Eske Willerslev Qeqertasussummi Qasigiannguit kujammut kangiata tungaanniittumi assaanermini nujaminermik ukiunik 4.000-inik pisoqaassusilimmik nassaarpoq, inuup sananeqaataanut ilisarnaatitut takussutissaq aqqutigalugu nujamerngup taama pisoqaatiginera paasineqarpoq.
Angut ukiut 4.000-it matuma siorna Qeqertarsuup Tunuani inuusimasoq, Kalaallit Nunaannut nunasisut siulliit ilagisimavaat.
Immikkuullarissumik titartaanikkut Eske Willerslevip suleqataasalu Københavnimi Universitetimeersut angutip timaata isikkua sukumiisumik paasisaqarfigisinnaasimavaat, oqaatigisinnaanngorsimallugulu angut taanna Sibiriamiit Kalaallit Nunaannut ukiut 5.500-it matuma missaata siorna nunasisuusimasoq.
Ilisimatusarneq pillugu atuagassiap, Videnskabip, nittartagaani aaqqissuisut ilisimatusarnermik suliniuteqartunut ukiut tamaasa nersornaasiisarput.