Nuannersumik qungujullutit Nuuk Centerimut assilitikkiartorit
Kigutigissaanermi sulisut pisiniarfissuarmiissapput, pisiniarfissuarmilu ilaatigut kigutigissartarneq, kigutigissaatit kigutigissarnermilu qaqorsaatit pillugit paasissutissanik tunioraassapput, kigutigissuunissarlu pillugu pitsaasunik siunnersuissallutik.
- Pitsaaliuineq imminut akilersinnaavoq. Kalaallit Nunaanni kigulluut Caries akiorniarlugu suliniutissatut siunniussami (Cariesstrategi), qaammarsaaneq, kigutigissuunissamut paasissutissanik nalunaarsuineq, angajoqqaanut meeqqanullu pitsaaliuinermik suliniutit aallartiaarnissaat anguniarneqarput, kigutit nakorsaannut pisortaq Olina Hansen oqaluttuarpoq.
Arfininngorpat novembarip 16-iani Nuuk Centeriliarsinnaanngukkuit, inuuneq naallugu kigutigittuaannarnissamut siunnersuutit sisamat aajuku:
Ullaakkut unnukkullu kigutitit salilluartakkit
Meeqqavit 10-nik ukioqalernissaa tikillugu kigutigissarnerani ikiortaruk
Kigutigissarnermi qaqorsaat annertuumik fluoritalik atortaruk, pitsaanerpaajuvoq 1450 ppm
Mamakujuit, saftit sodavandillu ulluinnarni unitsikkit
