Nuannarinnitsitik bussinik qimuttuitsunillu atuinissaannik kaammartorpaat
Tassa isumaqarput nuannarinnitsitik nipilersornerminnut tusarnaarialeraangamik nammineerlutik biilernatik bussit qimuttuitsullu ilaaffigisassagaat.
Tamanna tunngavigalugu ’Radiohead’ Tuluit Nunaanni tusarnaartitsinermut tusaamaneqarluartumut Glastonbury Festivalimut ilaaqquneqaraluaramik qujaannarsimapput.
Tassagooq tusarnaartitsinermut tassunga tusarnaariartut busserlutik qimuttuitsunulluunniit ilaallutik tusarnaariarsinnaanngimmata.
Nipilersoqatigiilli Danmarkimi Roskildemi nipilersornissartik ajoriffissaqartinngilaat, tassami aasamut Roskilde Festivalimut nipilersoriarnissartik akuerisimavaat. Tassami nuannarinnittaat qimuttuitsunut bussinulluunniit ilaallutik tusarnaariarsinnaammata. Nipilersoqatigiit aamma nittartakkaminni angalanernut avatangiisinik mingutsitsiffiunnginnerusunut innersuussuteqarput.