Nuannarineqarluartoq Paddy Nunatsinnukaqqilerpoq
Kelly nuannaartorisimassagukku isissutissannik pissarsipallanniarit. Ukiut marluk qaangiummata Paddy Kelly Nuummi tusarnaartitsimmat isissutissat akunneq ataasiinngitsorluunniit nungupput.
Nipilersoqatigiini The Kelly Familymi erinarsortartuusimasup immiussaa HUMAN siorna saqqummerpoq, ukiorlu manna Tysklandimi, Hollandimi, Danmarkimi, Polenimi, Tjekkietimi Nunatsinnilu tusarnaartitsissalluni. Paddy Kellyp tusarnaartitsinermini nipilersuutit nutaat Kelly Familyllu nipilersuutit atortarnikuusaat appisimaassavaai.
Aamma atuaruk Paddy Kelly tusarnaartitsilluarpoq
Aamma atuaruk Kellymut isissutissat pilerngullugit nunguppaat (2014)
Paddy Kellyp Nunatsinni tusarnaartitsinissani Ilulissani maajip 20-ani aallartissavaa. Tassanngaanniit Sisimiuni unnuit marluk tusarnaartitsissaaq, Taseralimmi maajip 21-ani 22-anilu. Katuap, Taseraliup Sermermiullu tusarnaartitsineq aaqqissugarivaat, tusarnaartitsisaqattaarneralu Katuami maajip 23-ani naggataasalluni.
Isissutissat 250 koruuneqarput Sermermiuni, Taseralimmi Katuamilu pisiarineqarsinnaallutik.