Nuallummut katsorsaat iluaqutaanngitsoq
Misissuinerit kingulliit paasinarsisippaat 65-it inorlugit ukioqaraanni nuallummut akiuussutissamik kapitinneq iluaqutaanngitsoq, kapitinneq inunnut peqqissunut sunniuteqarneq ajormat. Kapitittunit sisamanit pingasut nuallulersartut paasineqarpoq.
Nunatsinni Peqqinnissaqarfimmi nakkutilliisup Knud Brinkløv Jensen-ip nakorsaasiorfissuup Cochranep misissuisimanerata inernera tupaallaatiginnginnerarpaa.
-Inuusuttut inersimasullu akiuussutissamik kapitinnissaannut kaammattuinissaq iluaqutaanngitsoq inassutigineqarsinnaanngilaq, nalunnginnatsigumi sunniuteqangaarnavianngitsoq, nangillunilu:
-Nuallummut akiuussutissamik kingunerluutaasinnaasunik nappaateqanngitsunik kapisineq asuleerneruvoq, nakorsaasiorfiimmi inuit annilaanganerat aningaasarsiuutigilluavittarmassuk, Peqqinnissaqarfimmi nakkutilliisoq oqarpoq, aappaagumiillu nakorsanit kapitinnissanut inanneqanngitsut akiliisalernissaat eriniginerarlugu.
Sisimiuni Peqqinnissaqarfimmi akiliisitsilluni kapisisarneq atuutilereerpoq. Siorna 65-it inorlugit ukiullit kapitittunit 320-nit tallimat qulillu missaaniittut 100 krooneerlutik akiuussutissamik pisisimapput.
