Tusilartut oqalunniarnermillu ajornartorsiuteqartut kalerriisinnaanngorput
Pinartumik pisoqartillugu oqarasuaatikkut saaffiginnittarfik 113 saaffigineqarsinnaavoq. Tusaaniarnikkut, oqalunniarnikullu ajornartorsiuteqartut oqarasuaammut angallattakkamut allallutik tassa SMS-erlutik maanna kalerriisinnaalissapput.
Allattoq Jonas Løvschall-Wedel
septembarip 15-at 2015 14:22
Nutserisoq Mads Lynge
Qaasuitsup Kommuniani Annaassiniartartunut Upalungaarsimasut, tusaaniarnikkut oqalunniarnikkullu ajornartorsiuitilinnit SMS atorlugu qaammatip massuma ingerlanerani saaffigineqarsinnaalissapput.
Qaasuitsup Kommuniani qatserisartut qanoq kalerrinneqarsinnaanersut pillugu quppersakkamik aamma saqqummersitsisoqarpoq, kalaallisut qallunaatullu oqaasertalersukkamik.
Oqarasuaammut angallattakkamut normu kalerriiffissaq quppersakkami takuneqarsinnaavoq.
Ikuallattoqarnera SMS atorlugu oqarasuaammut angallattakkamut kalerriutigineqarpat, pigaartoq indsatslederiluunniit taava kalerrineqartarpoq, illoqarfiulluunniit nunaqarfiulluunniit qatserisartuisa pisortaat oqarasuaatitigut attaveqarfigineqartarlutik.
