USA-mi suliffissaaleqisut 17 millioninngortut
Suliffeqanngitsutut nalunaarutiginnittut sapaatip-akunneri kingulliit marluk ingerlaneranni 10 millioniupput, 6,6 millioninillu taakku maanna amerlillutik.
USA-mi inuit suliffeeruttut marsimili maanna 7 millionit missaaniilerput.
Suliffissaaleqisullu amerlinerunissaat ernummatigisariaqartoq, aningaasarsiornermut tunngasunut immikkut ilisimasallit siulittuutigaat.
Suliffissaaruttutummi maannamut nalunaarutiginnittut 17 millionit missaasa saniatigut millionillikkaat allat sapaatip-akunnerini tulliuttuni suliffeeruttut nalunaarutiginninnissaat ilimagineqarpoq.
USA-mi suliffissaaleqisut aningaasarsiornerup 1930-kkunni ajalusoorneraniilli aatsaat taama amerlatigipput.