NTK-p STTK taarserpaa

Nunatsinni Tusagassiuutilerisut Kattuffittaavata NTK-p STTK-p Namminersorlutik Oqartussat sinnerlugit suliarisartagai tiguai.

Nunatsinni najukkani radioqarfiit tv-qarfiillu sinnerlugit sullissisuugaluartoq STTK, sullissiunnaartoq sinnerlugu Nunatsinni Tusagassiuutilerisut Kattuffiat, NTK sullissisussanngorlugu Namminersorlutik Oqartussanit akuerineqartoq, Kattuffik nutaaq tusagassiuutinut nalunaarummini allappoq. Suliassat NTK-mut, Nuuk TV-mit aamma Ilulissani Arctic tv-mit siorna aggustimit pilersinneqartumut, ingerlateqqinneqartassapput.

Najukkani radioqarfiit tv-qarfiillu amerlanersaat NTK-mut ilaasortanngorsimanerat pissutigalugu taama allannguisoqartoq, NTK-mit oqaatigineqarpoq.

- Najukkani radioqarfiit tv-qarfiillu sullinneqarnissaannut tunngavissat piaartumik inississorneqassapput, ilaasortaanngitsullu ilaasortanngoqqullugit kajumissaarneqassallutik, suleqatigiinnikkummi nukittunerusoqassasoq, NTK-mit allapput.

STTK-mut ilaasortat kattuffik taanna ernumanartoqartimmassuk, pisoqarnerlu ajormat ukiunilu marlunni naatsorsuutinik tunniussisoqarsimanngimmat, NTK pilersinneqarpoq.    

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat