Nouri al-Maliki sakkortuumik akissuteqarpoq
- Uanga naalakkersuisukkalu qinersinikkut qinigaasut piffissalersussalluta kinaluunniit pisinnaatitaaffeqanngilaq. Taama oqarpoq Irakip ministeriunera Nouri al-Maliki, Amerikamiut præsidentiata Buship allaffeqarfianit Amerikamiullu politikerit allat Irakimi naalakkersuisunut sakkortuumik isornartorsiuinerannut akissuteqarluni.
- Taamatut isornartorsiuisut Syriamut tikeraarnitsinnik ernummatiginninnertik taamaallaat ersersippaat. Tamakkua piffissaajaatigisinnaanngilavut.
Uagut innuttavut inatsisillu tunngaviusut isumaginiartussaavavut, aamma allanik ikinngutissarsiuinnarsinnaavugut, taama oqarpoq al-Maliki, Syriami ullut pingasut tikeraareerluni tusagassiortunik katersortitsinermini.
Amerikamiut politikeriisa, ilaatigut Senatimut ilaasortap demokratiusullu Carl Levinip aamma præsident George W. Buship oqaatigaat al-Maliki upperisarsiunnginnerusumik taarserneqartariaqartoq aamma al-Malikip naalakkersuisui pakatsissutigigitik.