Norsaq kinguaattoorpoq
Timmisartuutileqatigiiffiup Air Greenlandip timmisartorsua, Norsaq, Københavnip Kangerlussuullu akornanni ullumikkut kinguaattuussaaq, Københavnimiillu nalunaaqutaq aqqanermut aatsaat aallassaaq. Air Greenlandip Nunatsinni timmisartuussinissaa nalunaaquttap akunnerinik arfinilinnik taamaalilluni kinguaattuussaaq.
Allattoq Jaaku Lyberth
Aallarnissat tikinnissallu timmisartuutileqatigiiffiup nittartagaani, www.airgreenland.gl-ikkut malittarineqarsinnaapput.
Norsap kinguaattoorneranut pissutaavoq attartortunik ilaasoqarluni ippassaq Las Palmasiliartilluni teknikkikkut annkikkaluamik ajornartorsiuteqalersimanera. Ajornartorsiut iluarsineqareerpoq, kisianni tassa Norsaq kinguaattuussaaq, Air Greenland ilisimatitsivoq.