Norsaq HC pissartanngorpoq
Nukapissat finale-rneranni unammisut Norsaq HC Aasianneersoq aamma NÛK Nuummeersoq pissanganavissumik ajugaanniutivipput. Unamminermut piffissaliunneqartoq naammassimmat 24-24-mik naligiiginnareersut unammineq minutsit marloriarlugit sivitsorneqareersoq Norsaq HC pissartanngorpoq.
Taamaasilluni Norsaq HCp oqaluttuarisaanermini siullerpaamik pissartanngortitsivoq. 1996-mi siullerpaamik Aasiammiut inuusuttuni aamma pissartanngortoqarput taamanikkut IP-85 pissartanngormat.
Niviarsissat finalernerat
Niviarsissat finalerneranni Kâgssagssuk Maniitsumeersoq NÛK-mut ajugaavoq 20-17-mik. Niviarsissallu bronzennaniunneranni GSS Nuummeersoq Nagdlúnguamut Ilulissaneersumut ajugaavoq 30-14-mik.
Aajuku sapaammi angusat:
Nagdlúnguak – GSS 30-14 (niviarsissat bronzennanniunnerat)
Arsarluarnerpaaq Ivaana Meincke, GSS
Kâgssagssuk – SAK 22-20 (nukappissat bronzennanniunnerat)
Arsarluarnerpaaq: Roberth H. Lyberth, Kâgssagssuk
NÛK – Kâgssagssuk 20-17 (niviarsissat finalernerat)
Arsarluarnerpaaq: Bikki Kreutzmann, Kâgssagssuk
Norsaq HC – NÛK 30-29 (nukappissat finalernerat)
Arsarluarnerpaaq: Daniel Egede Svenningsen, NÛK