Norsaq HC finalemut annguppoq

Maanna tassa qularnarunnaarpoq GSSip Nuummeersup nukappissani U-16-ni finalemut anngussinnaajunnaarnera.

Nukappissat Norsaq HC Aasiaanneersoq aamma GSS unammimmata pikkunavimmik ingerlasoqarpoq unamminerlu naligiiginnarfiuvoq 29-29-mik.

- Unammineq aallartitsiaannartoq GSS målinik pingasunik sisamanik siualertoraluarpoq, taama oqaluttuarpoq assammik arsartartut kattuffianni GHFmi siulittaasoq Boas Møller.

Unamminerlumi pissanganaqisumik naggaserneqarpoq imminnut angusaqattaakkamik. GSSlli pointimik annaasaqarnissani attassinnaanngilaa finalemut anngunnissamut neriuuteqassaguni.

NÛK Nuummeersoq aamma SAK Sisimiuneersoq finalemi inissap aappaanut inissinniuttussanngorput taakkulu imminnut unammisussaapput arfininngornermi unnukkut.

Niviarsissasani suli finalemut annguttoqanngilaq unammineq tallimanngornermi aamma arfininngornermi naammassippata aatsaat tamanna paasinarsissaaq.

Aajuku sisamanngornermi angusat:
NÛK – Kâgssagssuk 18-24 (12-13) (niviarsissat)
Unamminermi arsarluarnerpaaq: Clara Nielsen, Kâgssagssuk

NÛK – Kâgssagssuk 29-19 (17-7) (nukappissat)
Unamminermi arsarluarnerpaaq: Daniel Egede Svenningsen, NÛK

SAK – GSS 22-23 (12-14) (niviarsissat)
Unamminermi arsarluarnerpaaq: Nivi Silassen, SAK

GSS – Norsaq HC 29-29 (15-17) (nukappissat)
Unamminermi arsarluarnerpaaq: Aqqalu Sandgreen, Norsaq HC

Aajuku tallimanngornermi unamminissat:
Nal. 15.00 NÛK – SAK (piger)
Nal. 16.30 SAK – Kâgssagssuk (drenge)
Nal. 18.00 Nagdlúnguak – Kâgssagssuk (piger)
Nal. 19.30 NÛK – Norsaq HC (drengene)