Norgimiut pingasut Kangerlussuarmi tammaaneqarput
Periarfeerunneqartut taakku pingasut, tallimanngormalli Kangerlussuarmut utereersimasussaagaluit, ullumikkut ulloq naallugu qulimiguulimmit ujaarineqaraluarput.
- Taakku kuuk sinerlugu pisummik angalaarniarlutik oqaatigaat, tallimanngormallu ulloqeqqata eqqaani utereersimasussaagaluarlutik. Taamaattorli piffissami uterfissatut piffissaliunneqartumi takkutinngitsoorlutik, Kristian Dahl Nuummi politiineersoq oqarpoq nangillunilu:
- Qanoq pisimanerat eqqoriaannarsinnaavarput. Immaqa aqqutissartik allanngortissimasinnaavaat, immaqa aqqutissartik nalulersimassavaat, naluarput, taanna oqarpoq.
Tamaani sila atoruminartoq oqaatigineqarpoq.