Norgemiut meeqqeriviat aalassassimaarnartumik oqallitsitsisoq

Norgemi meeqqeriviup Granstubben Barnenhagep facebookimi quppernermini asserpassuit ikkussimasaat manna tikillugu 780-inik oqaaseqarfigineqarsimapput. Meeqqeriviup meeqqat ilai angalaaqatigai meeqqallu tuttunik toqoraaneq aattuinerlu isiginnaapaat.

Assinut oqaaseqartut ilaasa meeqqat piviusumik takunilluartinneqarnerannik oqaaseqarfigaat ilaasali meeqqanut mikisunut annilaarnartumik misigisaqarfiunerarpaat. Oqaaseqartut ilaannit qinertuaakkat aaku (ilanngutassiaq naqqani nangeqqissaaq)

Maajunnartut. Sianiissuit. 

Tiaavuluit niaqulaartut. Meeqqeriviup arlalinnik psykopaatertaqalernissarput isumagaa. Pilluaritsi.

Suliniut pitsak, neriuppunga meeqqeriviit arlallik taamaaliussasut.

Qanoq iliortoqartarnera meeqqat takummassuk ajunngeqaaq.

Facebookimi nutaarsiassaliartik taama oqallisigisaatiginera meeqqerivimmi aqutsisut tupigusuutigaat, ajortuliunngissoralutilli meeqqerivimmi ulluinnarni aqutsisup, Dag Olac Stølanip illoqarfiup nutaarsiassaqartitsivianut Trønder Avisamut oqaatigaa.

- Aatsaat siullerpaamik meeqqat taamaattunut ilaatinneqanngillat. Toqoraanernut allanut peqataanikuupput, puulukinik toqoraanerit tuttorpanniarnerillu peqataaffiginikuuaat. Siunissami aamma taamaaliortarniarpugut, aviisimut oqarpoq.