Norgemiut umiarsuaanni takornariartaammi ilaasut coronamik tunillatsissimanngitsut
Norgemiut umiarsuaatata takornariartaatip "SeaDream1"-ip ilaasut tamarmik marlunngornermi unnuakkut mattusimatilerpai, ilaasulli arlaannaalluunniit coronavirusimik tunillanneqarsimanngillat.
Bodø Kommunemi mi nakorsap Stian Wik Rasmussenip tamanna uppernarsarpaa. Nutaarsiassaqartitsivik NTB taama allaaserisaqarpoq.
Takornariartaatip siuliani angallassinerani ilaasut ilaata Danmarkimeersup Danmarkimut utereernerani kingorna coronavirusimik tunillanneqarsimanera umiarsuaatileqatigiiffimmit paasineqareersorlu "SeaDream1"-imi ilaasut tamarmik mattusimatinneqalerput.
AAMMA ATUARUK Norskit umiarsuaanni inuttat 33-it coronamik tunillatsittut
Umiarsuaq takornariartaat tamanna pillugu Bodø talittarfianut marlunngornerup unnuaani nalunaqutaq marlunut talippoq.
Ilaasut coronavirusimik tunillatsissimanermut taava misissorneqarput, ilaasullu tamarmik 79-it, inuttallu 85-it coronavirusimik tunillanneqarsimanngitsut paasinarsivoq,
"SeaDream1"-ip killilersorneqarneratigut Norgemi umiarsuit takornariartaatit akornanni aappaat killilersorneqalerpoq coronavirusimik tunillatsittoqarsimanera paasineqareersorlu.
Umiarsuaq takornariartaat "Roald Amundsen" maanna aamma killilersorneqarpoq, ilaasullu mattuusimatinneqarlutik. Ilaasummi inuttallu arlallit cronavirusimik tunillanneqarsimasut paasineqarmat.
