Norgemiut tamarmik akiuussutissamik kapitittussanngorunarput
Nualluummik H1N1-imik aamma puulukit nappaataannik taaneqartartumik, Norgemiut 100.000-it sinnerlugit amerlassusillit tunillatsissimanissaat, Norgimi peqqissutsimut qullersaqarfimmit missingerneqarput. Taamaammat kikkut tamarmik akiuussutissamik kapitinnissaat maanna innersuussutigissallugu oqartussaasut eqqarsaatersuutigaat.
Allattoq Elisa Isaksen
oktobarip 22-at 2009 15:42
Innuttaasunut tamanut naammattumik H1N1-imut akiuussutissamik Norge inniminniisimavoq, inuilli eqqugaasinnaasut kisimik akiuussutissamik kapitinnissaat manna tikillugu innersuussutigalugu.
Nappaalanerulli maanna ersiutai aallaavigalugit tamanna allanngorsinnaavoq.
Norgemi inuit qulingiluat ulloq manna tikillugu nappaammit toqquteqarsimapput, taakkununnga inuit peqqittutut isigineqartut marluk ilaallutik.
Arnaq 50-it missaannik ukioqartoq ippassigami toqusoq, nualluummik H1N1-imik nappaateqartoq sisamanngormat uppernarsarneqarpoq. Taannali eqqugaasinnaasunut ilaasimavoq.
Innuttaasut tamakkerlutik H1N1-imut akiuussutissamik kapineqarnissaat innersuussutigineqassasoq Norgemi peqqissutsimut aqutsisoqarfik tallimanngorpat nalunaaruteqarniarpoq.
