Norgemiut Aghanistanimiinnerini qaartartumeerisut
Qaartartumeerisoqarnerani inuit ikinnerpaamik sisamat toqutaapput, allat arfinillit ikiligaallutik.
Aallaasersortoqarnerani Norgemiut marluk ikiligaapput. Tusagassiortoq Norgemiu ikiligaarujussuarpoq, sakkutuullu napparsimavianni passunneqartoq oqaluttuarineqarpoq.
Norgep nunanut allanut naalakkersuisoqarfiani atorfilik ataaseq aamma ikilerneqarujussuarsimavoq. Norgemiut nunanut allanut ministeriat Aghanistanimut tikeqqammersorlu saassussineq pivoq.
Islamistit ingasattajaariniat sisamat saassussisimasutut pasineqarput. Imminut toquutigaluni qaartartumeerisoq ataaseq allallu pingasut qaartartunik igeriussillutik saassussinermi peqataasimanerarneqarput. Norgemiut nunanut allanut ministeriata Aghanistanimut tikeraarnerani saassussineq sooq pinersoq alaatsinaatsunit erseqqissumik paasineqanngilaq.
Qaartartunik saassussineq Talibanit akisusaaffigigitsik nalunaarutigisimavaat, taama nutaarsiassaqartitsivik AP allaaserinnippoq.
