Norgemi umiarsuaq takornariartaat ilaasunik qimagussortitsisoq
Umiarsuup motooria ajoquteqarpoq nunamullu tippussaajartorluni.
Umiarsuup ilaasui 100-t missaanniittut umiarsuarnut allanut helikopterinullu qimagussortinneqartut, norgemi politiit ilisimatitsipput.
Umiarsuup ajunaalernermik kalerrisaarineranit akunneq ataaseq qaangiummat motoria aallarteqqinneqaraluarpoq. Umiarsuarli ingerlaqqissinnaanersoq suli oqaatigineqarsinnaanngilaq.
Umiarsuaq illoqarfimmit Hustadvikamit kilometerit sisamat missaannik ungasitsigisumiippoq, tassa illoqarfiup Moldep avannaata tungaani.
Umiarsuaq kisarsimasoq malissuillu meterit sisamat missaannik portussuseqartut , Gro Marte Strandip, Hustadvikami najugallip oqaatigaa.
Umiarsuaq Viking Sky, 2017-imi sananeqarsimasoq, Stavangerimut norgep illoqarfiisa ilaannut ingerlaararluarpoq.
