Norgemi ministeriuneq nunatsinnut tikissaaq
Qeqertat namminersorlutik oqartussaqarfiusuni ministeriunerup tikeraarpagit tamaani pisuussutinik aqutsineq, isumannaallisaaneq kiisalu silap pissusaanut tunngasut oqaloqatigiissutigineqassapput.
Pilersaarutit malillugit Jens Stoltenberg maajip 16-ianiit 17-iata tungaanut Shetlandimiissooq, maajillu 17-ianiit 18-iata tungaanut Savalimmiuniissaaq, tassanilu Naalakkersuisut siulittaasuat Kaj Leo Johannesen oqaloqatigineqassaaq, tamatumalu saniatigut norgemiut savalimmiormiullu kultoorisioqatigiinnissaani ammaanersiuisuussalluni.
Maajip 18-iani Jens Stoltenberg nunatsinukassaaq, ullunilu marlunni tikeraassalluni. Apuutereeriarpat Naalakkersuisut siulittaasuat Kuupik Kleist ataatsimeeqatigineqassaaq, Ilisimatusarfimmilu silap pissusaanik ilisimatusartut oqaloqatigineqassallutik.
Norgemi ministeriunerup allaffeqarfiata tusagasiuutinut nalunaarutaa malillugu kujataani qallunaatsiaat illukorpassuisa takornariarnissai Jens Stoltenbergip piffissaqarfigiumaarpai.
