Norgemi kapisilinniarneq aatsaat taamak ajortigaaq
- Kapisillit ikittunnguit kuunni amerlaqisuniipput, kuuit amerlasuut kapisiliniarfigeqqusaanngillat, sumiiffinnilu amerlasuuni kapilinniarnerit killilersoqalerlutik, Thorfinn Evensen, Norgemi kuunni kapisilinniartartut peqatigiiffianni ilaasortaq, Ritzauimut taama oqarpoq.
Norgemi kapisilinniartartut ikilisimanerat kapisillit pisarineqartut ikilisimanerannut pissutaaqataatinneqarpoq.
Norgemi aalisartutut inuussutissarsiuteqartut nalunaarsorneqartut ukioq 2000-imi 150.000-inik amerlassuseqarput, siornalu aalisartutut inuussutissarsiuteqartutut nalunaarsorneqarsimasut 110.000-iullutik.
Norgemi kapisillit siorna tunisassiarineqarneranni 1 milliard koruunik kaaviaartinneqarput.
Kapisillit tukertinneqartartut amerlanerujussuat aammalu aalisakkat kumaat miluuttoq pissutaallutik, kapisillit kuunni aalisarneqartartut nungutaanissaannut ulorianartorsiortinneqarput.