Norgemi illu ujaqqanit matoorussaasoq

Norgep kippasissortaani Ålesundimi inissiat quleriit arfinillit ujaqqanit nakkaaffigineqarlutik matoorussaammata, inuit tallimat ajunaarsimanissaat aarleqqutigineqarpoq.
Allattoq Louise M. Kleemann
marsip 26-at 2008 07:47

Inuillu 15-it maannamut annaanneqareersut oqaatigineqarpoq.

Ujaqqat qaqqamiit unnuaq nakkaalersimapput, inuillu 20-t missaat illup iluaniissangatinneqarput.

Ujaqqat nakkaareersimatsiartullu inissiat quleriit alliit marluk gassip qaarneranik peqquteqarsimagunartumik ikuallalersimapput, inuillu taqqamaniittut sinnerisa ajunaarsimanissaat annilaanngatigineqarpoq.

Inissiap taassuma eqqaaniittut tamarmik qimagussortinneqarput, qatserisartullu gassip anianera unitsippaat.

Inissiat matoorunneqarneri qaqqap sisuneranik patsiseqarpoq, oqaatigineqarporlu najugaqarfik tamanna nutaajusimasoq kussangajaamiittuusorlu.

Inissiani najugaqartut ilaata oqaluttuaraa qaarpallassuartut ittumik unnuaq itertitaasimallutik.

- Illu 10 meterit missaannik illikarpoq, uagullu aneerasaartarfikkoorluta qimarrappugut, allaanngilarlu nuna sajussimasoq, ineqartut ilaat tupassimaqisoq taama oqaluttuarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq