Norgemi ministeriuneq, Jens Stoltenberg, nunanullu allanut ministeri, Jonas Gahr, Murmanskimut ippassaq tikeraarput, Barentip imartaata killeqarfilernissaa pillugu nunat taakku marluk isumaqatigiissutaat atsioriartorlugu.
Barentip imartaata killeqarfilernissaa ukiuni 40-ni isumaqatigiinniutigineqarpoq, isumaqartoqarpormi Barentip imartaani aalisagarpassuaqarlunilu, uuliaqarlunilu gasseqarluartoq. Pinngortitap pissaritaanik piiaanissamut misissuinermut isumaqatigiissut pingaarutilerujussuussaaq.
Barentili pillugu allaffeqarfimmi sulisoq, Rune Rafaelsen, isumaqarpoq russit siuarsimanerujussuusut:
- Russit takorluukkatsinnit ilisimasaqarnerupput, Norgemi aviisimut, Dagens Næringslivimut Rafaelsen oqarpoq, tikkuarpaalu sovjetimiut ujarassiuujusimasut 1970-ikkunni '80-ikkunnilu namminneq killeqarfimminni, killeqarfinnilu assortuussutaasuni isertorlutik sajuppillatsitsillutik misissuisarsimasut.
- Russit isumaqarput Barentip imartaani namminneq killeqarfimminni nappartanik 50 milliardinik uuliaqartoq, Rune Rafaelsen aviisimut Dagens Næringslivimut oqarpoq.