Norge-p avannaani sakkutooqarfik matuneqassaaq
Norgip nunarsuup avannaarsuani ersarinnerulernissaa Norgimi oqartussaasut oqaatigereeraluaraat, Olavsvernimik matusinissaq aalajangerneqarpoq.
Sakkutooqarfimmik matusiniarneq Norge-mi sakkutuunit iluarineqanngilaq. Taakku oqaatigaat Norgimi inatsisartut, Stortinget, aalajangiinerat kukkunerusoq.
Sakkutooqarfiup Olavsvernip Norgimi pingaaruteqartuunera, Norges Sjømilitære Samfundip allaaseraa:
- Russit umiarsuaataat issittup imartaani takussaaleraluttuinnarput. Taamaammat Olavsvernip matuniarneqarnera kukkuneruvoq, sakkutooqarfimmi taanna Norgimi nutaanersaavoq atortorissaarnerpaajullunilu , Norges Sjømilitære Samfundip aqutsisua Bjørn Krohn NRK-mut allappoq.
Olavsvern, sakkutooqarfiup Haakonsvernip, Bergenip eqqaaniittup, ataani inissisimavoq.