Norge-mi biilit apormata ajunaartoqarpoq
oktobarip 26-at 2006 07:43
Norge-mi sullorsualiami Eidsvoll-mi ippassaq ajutoortoqarmat inuk ataaseq ajunaarsimavoq.
Lastbiilerujussuaq uuliamik usisoq biilimut apormat ikuallattorujussuanngorsimapput.
Politiit ippassaq unnukkut qulit qeqqata missaani qanoq ajutoortigisoqarsimaneranik inunnilluunniit ataatsimiit amerlanerusunik ajunaartoqarsimaneranik suli ilisimasaqarpianngillat.
Lastbiilersuulli uuliamik usillip aquttua sulluarsuarmiit qimaalertorsinnaasimavoq, taannalu ajoqusersimanngitsoq oqaatigineqarpoq.
