Norge eqqissisaavoq
Canadap Ruslandillu issittumi killeqarfilerngusaannerat unitseqqullugu, Norgemi oqartussat Canadap oqartussaanut maanna saaffiginnipput.
Allattoq Najaaraq Egede
septembarip 20-at 2010 06:56
Norgemi oqartussat, Ruslandimi oqartussanik Barentip imartaani killeqarfiit sumiiffii pillugit, ukiuni 40-ni aaqqiaginngissutigereerlugit, sapaatip-akunnera kingulleq isumaqatigiissusiorput. Aviisi The Canadian Press taama allaaserinnippoq.
Norgemiut kaammattuinerat pivoq, Canadami nunanut allanut ministerip Lawrence Cannonip Ruslandimut Norgemullu tikeraarnerani.
Norgemiulli tusaaniarneqassagunanngillat, tassami Cannonip russillu nunanut allanut ministeriata, Lavrovip naapinnerminni tamarmik oqaatigaat, killeqarfiit pillugit nunaminnit piumasaqaatitik Naalagaaffiit Peqatigiit tapersersussagaat kissaatigigitsik.
