Nordisk Koncertkor Paamiunut tusarnaartitsiartulersut
Nordisk Koncertkorip nuuteeqqamik immiussinerannut atatillugu tusarnaartitsinerit siullersaraat. Erinarsuutit tusarnaartitsissutigineqartussat nuuteeraliaanni ”Nuutit Nuannersut” aamma ilaapput.
-Erinarsuutit, tussiutit ileqqorsuutillu ilisarnartut ilaatigut tassaapput: ”Uummatinni asanninneqarpoq”, ”Eqqissineq nunat/Fred hviler over land og by”, ”Har du visor min ven” tulleriissumillu erinarsorneqassapput pattagissamillu ingiorneqassallutik, Malene Muurmann erinarsoqatigiinneersoq oqaluttuarpoq.
Erinarsuutit oqaluttuanik tiguartinnartunik attortinnartunillu imaqarput, ilaatigut inuulluaqqussutaallutik asanninnilersaarutaallutillu.
Tusarnaartitsinermi aqutsisuussaaq Bente Colding–Jørgensen Ann–Cathrine Nesagerilu pattattuussalluni.
Tusarnaartitsineq akunnerup aappaa avillugu sivisussuseqassaaq, Paamiuni Nuummilu tusarnaartitsinerit nal. 19.30 aallartissapput 21.00-llu tungaanuussallutik.