NOMA-p Arctic Green Food isornartorsiorpaa

Neriniartarfiup nuimasup nersornaaserneqaqqammersullu, NOMA-p, Arctic Green Food isornartorsiorpaa. Namminersornerullutik Oqartussat tunisassiorfiini nutseqattaarneq neriniartarfimmit Nomamit Illu Atlantikup illorsuata ilaaniittumit ippingiasuutigineqarpoq.

Neriniartarfiup Københavnimiittup, Michelinip ulloriaanik pingasuusinnaasunit marlunnik ippassigami nersorniarneqartup, Kalaallit Nunaanni tunitsivinni eqqissisoqarnissaa umimmaap neqaanik piniaqqinnissaminnut utaqqimaarpaa.

- Ukioq kingulleq una arlaatigut eqqissiviitsoqartoq maluginiarsimavara. Umimmaat neqaanik piniartarnerput ajornakusoornerulersimavoq, siornatigut Nuka A/S-ip tunisinermi ittuamut toqqaannarlunga inniminniisaraluarpunga, maannali ajornakusoornerulerpoq, NOMA-mik piginneqataasoq, igasullu ittuat, René Redzepi, oqarpoq.

Neriniartarfik neriniartunut nalinginnarnut ullumikkut umimmaap neqaateqanngilaq.

- Neqi kingullermik tikittoq mattuvallaarpoq, neriniartarfitsinnilu atorsinnaanani, René Redzepi Radioavisimut oqarpoq.