Niviugak iiginnassavat
Nunatsinni ullut makku niviugaqaleruttorlunilu ippernaqaleruttorpoq.
Niviukkamillu arpannerpit ilaanni oqimmiussisooraluaruit, tamanna qinngarnaraluartoq maajunnaraluartorlu, akilersinnaanngilaq oriaanissat.
- Sullinerit suulluunniit iillugit ulorianaateqanngillat, erngerlutimmi aqajaqqutta seernartuanik toqunneqartarmata, Københavnip Universitetiani sullinersiooq, Thomas Pape, aviisimut BT-mut oqarpoq.
Taannalu nangippoq:
- Sullineq qanerniippat iiginnassavat, aatsaalli anersaartorfivit aqqutaanut pisimappat oriassavat, Thomas Pape oqarpoq.
Ilutigitillugulu Thomas Papep erseqqissarpaa sullinerit ima sukkatiginngitsut inuit arpattut malissinnaallugit. Aatsaalligooq unittut soqutigisarpaat, imaluunniit iluamik oqaatigalugu, kiagussunninnerit sullinernut illinnartorujussuit soqutiginnitsitsilertarput.
