Niviarsissani Kâgssassuk ajugaavoq sukorsini SAK

Niviarsissat ajugaanniutivimmata Kâgssassuk Maniitsumeersoq Nûk Nuummersumut 20-14 mik ajugaavoq, sukorsinilu SAK Sisimiuneersoq Norsamut Aasianneersumut 30-26-mik ajugaalluni.

Kâgssassuup ullumi ajugaanniutivilluni unammisaminut Nûk-mut pissartanngorniuunnermut atatillugu ippassaq unammimmagu, 25-16-mik ajugaaffigivaa. Ajugaanniutivinnermilu ullumi ajugaasussatut ilimagineqartoq ajugaavoq, taamaalilluni iligiit Maniitsumeersut nunatsinni inuussuttuaqqat 14-nit 16-nut ukiullit pissartanngorniunneranni, nunatsinni pissartartut imminnut taasinnaanngorlutik.

Norsap siorna pissartaanini ullumi illersoriaraluarpaa, iluatsitsinngilaali.

Sukorsini  ajugaanniutivittut pissartanngorniunnermut atatillugu ippassaq aamma unammipput, tamatumani SAK 29-27-mik ajugaalluni.

Niviarsissat bronzenanniuummata SAK Sisimiuneersoq Nagdlúnguamut ajugaavoq, sukorsini GSS Kâgssassummut ajugalluni.

Aajuku sapaammi angusat:
GSS – Norsaq HC 23-7 (niviarsissat) normu 5-nngorniunneq
Nagtoralik – NÛK 30-26 (nukappissat) normu 5-nngorniunneq
Nagdlúnguak – SAK 20-21 (niviarsissat) bronzennanniuttut
GSS – Kâgssagssuk 23-22 (nukappissat) bronzennanniuttut
Kâgssagssuk – NÛK 20-14 (nivisarissat) finale
SAK – Norsaq HC (nukappissat) finale