Niviarsiaraq kurebræterluni ajunaartoq
Niviarsiaqqat marluk Kujataani ualeq manna ajutoortoqarnerani akuupput, niviarsiararlu ataaseq ajunaarpoq, aappaalu perululluni. Kujataani Politiit KNR-imut taama ilisimatitsipput.
Allattoq Jonas Fievé
Nutserisoq Mads Lynge
Niviarsiaqqat marluk taakku sisuukalaarutit kurebrætit atorlugit sisoornerminni biilinit aporneqarput. Politiit piareersimasuutitaat Søren Bendtsen taama oqarpoq.
Pisoq misissuiffigineqaleruttortoq Søren Bendtsenip nalunaarutigaa, ajutoortoqarsimaneratullu misissuiffigineqarluni.
Niviarsiaqqap aappaa peruluttoq politiit ilisimatitsissutigaat, annerusumilli suli paasissutisseerusunnatik.
Ilaqutaasut qanigisaasullu ilisimatinneqareerput.