Niviarsiaraq biilinit aporneqartoq
Niviarsiaraq qulingiluanik ukiulik arsamik assakaasumik aallertoq biilinit ippassaani aporneqarpoq.
Allattoq Louise M. Kleemann
Biilinik aquttup, angutip 58-inik ukiullip, niviarsiaraq aqquserngup tungaanut arpattoq takuleramiuk biilini tassanngaannaq unitseriataarpai. Niviarsiaraq biilinut apornermini sakkukitsumik miloriussaasimavoq, qujanartumilli annertunerusumik ajoqusersimanani.
- Ajutoorneq sekuntialuit ingerlanerinnaani pisimavoq, biilertoq sukkanerusumik ingerlasimasuuppat pisoq allatut kinguneqarsimassangaluarpoq, politikommissær Niels Nyvang Nuummi politiineersoq oqarpoq.
Ajutoorneq Golfklubbip illuutaata eqqaani, Nuussuarmiittumi, pivoq.