Niviarsiaraq ajunngitsoq annaanneqarpoq
Haitimi illoqarfiit pingaarnersaanni Port-au-Princemiit nuannersunik qaqutigut massakkut tusagaqartarpugut, niviarsiaqqalli annaanneqarnera oqaluttuaavoq tupinnarlunilu qamuuna attortinnartoq, uumaniallaqqissimaqaarmi.
Meeqqanut anaanaasoq eqqiaasuuvoq, suliartormallu meerai tallimat kisimiillutik angerlarsimapput. Nuna tassanngaannaq sajorujussuarmat inissiaq marlunnik quleriilik ilaqutariit najugaqarfiat nakkaappoq.
Meeqqat pingasut ajunngitsut ingerlaannangajak nassaarineqarput - nukappiararli tallimanik ukiulik ajunaarpoq. Niviarsiaqqap aqqanilinnik ukiullip, Mendji Bahina Sanonip, kappialarpalunnera ilaqutariit saniliinit ippassaq tusaaneqariataarmat, qarmanit uppikaasimasunit assallugu annaassinianit ajunngitsoq qaqinneqarpoq.
Tuperni napparsimmaveeqqatut atorneqartuni, aqqanilinnik ukiullip maanna uninngavigisaani, nakorsat nangaanngivillutik oqarput, niviarsiaqqap annaanneqarnera tupinnartuliaasoq.
Haitimi nunap sajunneranit eqqugaasut Kalaallit Rødekorsiata kontoanut aningaasanik ikisinikkut ikiorsersinnaagakkit eqqaamajuk. Konto ikisiffissaq tassaavoq 6471-800-8008 - tassa 6471-800-8008.
