Niviarsiaraq aallarussaq uterteqqippaat
Niviarsiaraq pingasunik ukiulik tuluit nunaanneersumik angajoqqaalik, ulluni sisamani Nigeriami aallarussaaqqareerluni, angajoqqaavinut uterteqqinneqarsimasoq, aviisi Politiken allappoq.
Niviarsiaraq atuarfiliartillugu, biilinik aquttua savimmik kapoorneqarpoq, taamaasillunilu niviarsiaraq aallarunneqarluni.
- Nuannaaqaagut uterteqqinneqarmat, ippernaniilli kimmartissimaqimmat nakorsiaattariaqarparput, niviarsiaqqap anaanaa, Nigeriamiuusoq oqarpoq.
Nigeriami malarialinnik ippernaqarpoq, kapitissimagaannilu toqussutaasinnaalluni.
Nigeriami inunnik aallarussisarneq naliginnaasuuvoq, aatsalli siullerpaamik meeqqamik nunanit allaneersumik aallarussisoqarpoq. Amerlanertigulli aningaasaatilinnut ilaqutaasut aallarunneqartarlutik.
Niviarsiaqqap ataataa Tuluit nunaanneersuusoq, Mike Hill, uuliasiorfiit ilaanni sulisuuvoq, imerniartarfiuteqarlunilu. Aallarussisullu piumasaqarsimagaluarput, niviarsaqqamut angutaa paarlaanneqassasoq, tamannali pinani, niviarsiaraq utertinneqarpoq.
