Niviarsiaraq 15-inik ukiulik pinngitsaalineqartoq

Angut 21-inik ukiulik Alluitsup Paaneersoq, niviarsiaqqamik 15-inik ukiulimmik pinngitsaaliisimasutut pasineqarluni sapaatit akunnerini sisamani tigummigallagassanngorlugu Nanortallip eqqartuussiviani eqqartuunneqarpoq.
Allattoq Jaaku Lyberth
oktobarip 19-at 2009 08:43

Pinngitsaaliisoqarsimanersoq Nanortalimmi politiit qulakkeerlugu oqaatigisinnaanngikkallarpaat.

Angutip niviarsiaqqamik pinngitsaaliisimaneranik nalunaarut Nanortalimmi politiinut arfininngormat takkuppoq, tamatumalu kingorna Allutsup Paani politiit ikiortaanit angut tigusarineqarpoq. Tigusarineqarnermi kingorna angut 21-inik ukiulik Nanortalimmukaanneqarpoq, eqqartuussivimmilu ippassaq killisiorneqarluni.

Angut eqqartuussivimmi killisiorneqarnermini pinngitsaaliisimannginnerarpoq.

Niviarsiaqqap 15-inik ukiullip angummit 21-inik ukiulimmit pinngitsaalineqarsimanini aalajangiusimavaa. Niviarsiaqqap oqarnera malillugu siusinnerusukkut angutip pinngitsaalillugu atoqatigisarsimavaa.

Angut niviarsiararlugu killisiorneqassapput, nakorsamillu misissorneqassallutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq